柏拉圖

柏拉圖（希臘語：Πλάτων，約公元前427年－前347年）是著名个古希腊哲学家，雅典人，俚个著作大多以對話錄形式紀錄，並創辦仔著名个柏拉图学院。柏拉圖是蘇格拉底个學生子，也是亞里士多德个老師，俚篤三人畀廣泛認為是西方哲學个奠基者，史稱「西方三聖賢」或者「希臘三哲」。

柏拉圖出生勒一個富裕个貴族家庭，俚父親是蘇丹（Sultan）、母親是克里提俄涅（Perictione），俚勒窩里排行第四，據傳是古雅典國王个後裔，俚也是當時雅典知名个政治家柯里西亞斯（Critias）个姪子。依據後來第歐根尼·拉爾修个說法，柏拉圖个原名為亞裡斯多克勒斯（Aristokles），後歇來因為俚强壯个身軀畀稱為柏拉圖（勒希臘閒話當中，Platus一詞是“平坦、寬闊......等意思）。但第歐根尼也提起其他說法，柏拉圖該名字也作興是來自俚流暢寬廣（platutês）个口才、或因為俚擁有寬廣个額角頭。由於柏拉圖出眾个學習能力搭其他才華，古希臘人還稱讚俚為阿波羅之子，並稱勒柏拉圖還是嬰兒个辰光曾有蜜蜂停留勒俚嘴唇浪，俚个口才再會箇浪甜蜜流暢。

公元前399年，蘇格拉底受審并畀判死刑，柏拉圖對當時个政治體制徹底絕望，那麼開始遊遍義大利半島、西西里島、埃及、昔蘭尼加等地以尋求知識。據說俚勒四十歲辰光，大約公元前387年結束旅行轉去雅典，並勒雅典城外西北角創立著自家个學堂——著名个柏拉圖學院，該爿學院成為西方文明最遭有完整組織个高等學府之一，后世个高等學術機構也因此而得名，也是中世纪辰光勒西方發展出来个大學个前身。

學院个名字搭學院个地址有关，坐落勒一處曾為希臘傳奇英雄阿卡得摩斯住所个土地浪，因而以此命名。學院存在仔900多年，直到公元529年畀查士丁尼大帝關閉為止。學院受到毕达哥拉斯个影響較大，課程設置類似于畢達哥拉斯學派个傳统课题，包括算術、幾何學、天文學搭聲學。學院培養出交關知識份子，當中最傑出个是亞里斯多德。

除之荷馬外，柏拉圖也受到交關箇之前个作家搭思想家个影響，包括了畢達哥拉斯所提出个「和諧」概念，搭勒阿那克萨戈拉教導蘇格拉底應該拿心靈或者理性作為判斷任何事體个根據；巴门尼德提出个連結所有事物个理論也作興影響著柏拉圖對於靈魂个概念。