東坡肉
跳到导航
跳到搜索
東坡肉，吳越杭帮菜名，用五花肉炖製而成。一般是一块约二寸许个方正形五花肉，一半为肥肉，一半为瘦肉，入口肥而弗腻，带有酒香，味道老贊。
来历传说[编辑]
昰道菜相传出自宋代蘇东坡个故事。苏轼呢，佢弗仅是著名个文学家，还是一位精於烹饪个美食家。
相传元豐二年十二月（1080年），苏东坡畀贬在黄州辰光，馬正卿為佢購得黃州城東廢地數十畝，築有東坡雪堂，在贫困个生活當中，仿制前人个做法改良，擔烧猪肉加老酒做成功红烧肉小火慢煨而成，豬肉色澤紅潤，湯質稠濃，味道醇厚。蘇東坡有首《豬肉頌》：“洗凈鐺，少著水，柴頭罨煙燄不起。待他自熟莫催他，火候足時他自美。黃州好豬肉，價賤如泥土。貴者不肯食，貧者不解煮。早晨起來打兩碗，飽得自家君莫管。”[1][2]。昰道菜在黄州发起，后传至南宋首府杭州，发扬光大，遂成杭州名菜。由於是苏东坡改良而成，謳渠东坡肉。
另有一話，相传北宋元佑年间（约公元1090年），苏东坡任知杭州事，发动民众疏浚西湖。大功告成，为犒劳民工，吩咐家人擔百姓馈赠个猪肉，按照佢总结个经验“慢著火少著水，火候足时他自美”，烹制成佳肴，交酒一淘分送畀民工，家人误擔酒肉一淘烧，乃末肉味特別香醇可口。人们传颂东坡个为人，又擔昰独特风味个块肉命以东坡肉。经历代厨师个弗断总结發展，而畀公推为杭州第一名菜。