杨树浦水厂

上海自来水公司杨树浦水厂，原名英商杨树浦水厂，简称杨树浦水厂，垃拉中国上海市杨浦区杨树浦路830号，是上海市最早建立个自来水厂之一。箇水厂始建于清同治十三年（1875年），最早由立德洋行出资修建搭维护，但由于未能得到租界工部局个支持而只能用船舶搭水车供水。光绪七年（1883年）到光绪九年（1885年），箇水厂交割畀英商上海自来水公司，光绪九年重建完成，设有供水线路，保留了船舶供水业务。抗日战争个辰光，箇水厂一度畀日军接管，交畀日本经营个华中水电公司管理。抗日战争结束以后，水厂还畀英商上海自来水公司。中华人民共和国成立后，1952年，上海市人民政府接收水厂並正式改成现在箇只名字。