朱勾

吴语维基百科,自由个百科全书
跳到导航 跳到搜索

越王翁(?-前411年),别名越王州勾,或越王朱勾,是战国辰光越国个君主,越王不寿个太子,杀脱著俚个爷自立为君。朱勾是越王勾践之后国势最强个君王,墨子曰:“今天下好战之国,齐、晋、楚、越。……今以并国之故,四分天下而有之。”箇兴光中原诸侯以齐、晋、楚、越四国最强。

生平[编辑]

前期越国搭楚国为著争夺土地搭霸权,双方矛盾弗断加深,连年勒长江浪发生舟战。后来楚恵王为著搭越国争夺泗水流域,借鲁国人公输般发明个钩拒,多次打败越国。

公输般又帮楚国造著云梯,准备进攻宋国。墨子兼程赶到楚国郢都,先说服公输般,又对楚惠王阐述兼爱、非攻,再搭公输般模拟攻防比试,让楚惠王放弃著攻宋个计划。墨子返回鲁国过后,越王朱勾仰慕墨子,打算拿故吴之地五百里封畀墨子,请俚到越国来辅佐自家;墨子重义而推辞,弗肯接受。

越王朱勾勒前414年、前413年,出兵吞并滕国(今朝山东滕州)、郯国(今朝山东郯城)两个小国,俘虏郯国君主鸪。前411年死脱,在位37年,由太子即位。