曹杨环浜

曹杨环浜，又叫曹杨新村环浜，勒拉中华人民共和国上海市普陀区曹杨新村，是条长2000米个环形内河，水深0.5米到1.2米。伊是1951年政府造曹杨新村个辰光，拿本生个虬江搭仔伊支流改造出来个条河浜。

曹杨环浜有段辰光藻类忒多哉，夏天臭气熏天个，水么也墨墨绿个，居民投诉弗断。20世纪80年代以来，当局对曹杨环浜实施一系列综合整治工程，阿末来勒1987年，由中国科学院上海植物生理研究所同上海交通大学一道来勒曹杨环浜里向种凤眼莲为主个生物，水质得到改善哉。。2005年，曹杨环浜水下森林通过验收。箇隻水下森林面积9800平方米，是伊个辰光上海唯一一個大型个人工水下植物群落。