日本右翼團體

日語表記
日語原文	右翼団体
假名	うよくだんたい
羅馬字	Uyoku dantai
舊漢字體	右翼團體

日本右翼團體主要指來日本國內个保守力量，通常對進步主義、社會主義、自由主義有疑問，邪其反感中國、朝鮮跟韓國，支持西藏、香港、台灣、新疆、內蒙古、甚至是滿洲个獨立運動。

來文化跟宗教層面方面，右翼團體通常會認同陽明學、佛教還有神道來日本傳統文化當中个積極作用。部分右翼會認同天皇來整个國家當中个正統性，會積極參拜靖國神社。部分右翼也會否認一神教（譬如講戰國時代天主教來日本个活動，是傳教士幫助販賣本地人口）。

來歷史觀念裡向，右翼團體通常否認或者質疑南京屠殺事件等事件个真實性，認為箇樁事體背後頭有共產主義勢力个支持。佢㐲會認同大東亞戰爭跟泛亞主義个正當性：即為台灣跟韓國帶來現代化，而弗是國民黨或者韓國民粹个“奴化教育”，否定脫所謂个政治正確教育（日：自虐史観）。

來國防方面，主要有兩派，一派認定美日安保條約來防範中國共產黨所帶來个積極作用，但是另外一派否認脫箇只觀點，認為箇隻條約嚴重限制了國家正常化發展，削弱了本身个國防能力。