方液仙
方液仙（1893年—1940年），字传沆，浙江镇海人，生勒上海。佗是中国化工业个先驱，畀称为“国货大王”。
1912年佗创办中国化学工业社，生产销售三星牌牙粉、雪花膏、生发油、花露水，后歇来也生产蚊烟香、牙膏、肥皂等物事，搭洋货相抗衡。
1933年参与建立中国国货公司，出任董事长兼总经理，来扶持民族工业、支持国货。
1937年2月，佗出资拍着部电影《三星伴月》，电影里向个插曲《何日君再来》成为名曲。
来勒抗日战争辰光，方液仙积极支持抗日救亡运动，设立伤兵医院，请医生救治伤员。上海沦陷以后，佗拒绝做汪精卫政府个实业部长。
1940年7月，方液仙畀勒汪精卫政府手下底个特务绑架害煞。
后代[编辑]
- 囡儿：方之雄
- 儿子：方曾泽、方曾规