断裂力学
断裂力学（Fracture mechanics）是研究有裂纹个构件个强度搭仔寿命个一门固体力学个分支，是结构损伤容限设计个理论基础。伊好分成功线弹性断裂力学搭仔弹塑性断裂力学两大类，前头隻适用勒裂纹尖端附近小范围屈服个情况；後头隻适用勒裂纹尖端附近大范围屈服个情况。
理论丄，裂纹尖端个应力会变得无穷大，呒办法用来描述裂纹周围个状态，但是来勒1957年，乔治·欧文发现裂纹周围个应力好应力强度因子来表达，而且好分解成三种线性独立个裂纹模式：
- I型是一种拉伸模式，裂纹表面直接分开。
- II型是一种滑动（平面剪切）模式，裂纹表面相互滑动，方向同裂纹垂直。
- III型是一种撕开（反平面剪切）模式，裂纹表面相对移动，同裂纹平行。
当裂纹尖端附近个塑性区忒大个辰光，就要用到弹塑性断裂力学里向个J积分咾啥个。