散骑常侍

散骑常侍，是古典帝国晏期个一个官名。立在汉朝辰光开始发端，前汉有散骑，是皇帝个侍从，也有中常侍，性质差弗多。东汉改用宦官担当中常侍。魏文帝辰光，并散骑替中常侍一路，当做一个官，叫做散骑常侍，让个辰光势力兴起个士族任职。立在朝中，伊拉规谏过失，备皇帝顾问，皇帝出宫，伊拉骑马散从。资深个散骑常侍，叫做祭酒散骑常侍。魏末，增加名额，新增叫做员外散骑常侍。之后个东晋替南朝，也一直有迭个官职。