御桥

御桥是中华人民共和国上海市浦东新区北蔡镇一個地名。箇隻地名从明朝万历三年（1575年）造个石桥御界桥。御界桥一开始叫逾界桥，後些来改叫御界桥，阿末简称御桥。箇座桥据说是当地乡绅沈钦主持建造个，也有讲迭座桥跟抵御倭寇有关系，有一趟当地乡民来勒小腰泾帮咸塘交汇处消灭脱倭寇，造座桥纪念。清朝同治年间，当地乡绅吴景清提议重修御桥。清朝光绪二十二年（1896年），当地人决定拓宽迭座桥，从原先个6块桥面石改成9块桥面石，长16.3米，宽1.6米，一跨6米。故咾御桥周边有条小路叫御桥老街。御桥当地有沪南路搭仔御桥地铁站。