康熙字典

出自维基百科,自由个百科全书

康熙字典》是成书于清朝康熙五十五年(1716年)个汉语工具书,收字四万七千隻。康熙年间由文华殿大学士户部尚书张玉书经筵讲官、文渊阁大学士兼吏部尚书陈廷敬担任主编,参考明代字汇》《正字通》两书而写,重印至今不辍。

乾隆年间,王锡侯著《字贯》一书,首次指出《康熙字典》来拉引证、释义等方面个缺点,然因对皇帝私名朆做避讳缺笔处理,照大逆律处斩,其著作也付之一炬。到著道光七年(1827年)王引之奉皇帝之命,著《字典考证》校正部分引证错误。日本明治初期学者渡部温著有《康熙字典考异正误》,查出错误万把条。

现代中国也出著弗少点校本。2015年瀚堂王宏源出版著增订本——拿原书朆收个毛三万隻汉日朝统一表意字增补到《康熙字典》里向。