平面镜成像

物理高头个平面镜是一面老抽象个、表面光滑平整个镜子。

平面镜成像个特点

平面镜可以是成正立个虚像。平面镜成个像大小搭物体一样，像到镜面个距离也跟物体到镜面个距离一样，像跟物体各连线搭镜面垂直。

平面镜成像个原理

从物体发出个两条互相之间夹角小于90度各光线，经过平面镜个反射，伊拉之间个角度仍旧勿变（根据光个反射定律，入射角等于反射角）。拿搿两条反射线反向延长，两条线会得交于一点，搿一点就是平面镜成个虚像。两条反射线个夹角等于两条入射线个夹角，可以通过几何计算推算出，入射光线、镜面、物到镜面之间个距离围成功个三角形跟反射光线个反向延长线、镜面、像到镜面之间个距离围成功个三角形是全等三角形，所以物距（物到镜面个距离）跟像距（像到镜面个距离）是相等个，物跟像个大小也是一样个。

AB=AB
角PAB=角P′AB（反射角个补角=入射角个补角）
同理，角PBA=角P′BA
所以：三角形PAB搭三角形P′AB全等（角、边、角）
AP=AP′
AC=AC
角PAC=角P′AC（全等角个补角相等）
三角形PAC=三角形P′AC
PC=P′C，三角形PAP′是等腰三角形，AC是中线，垂直PP′（等腰三角形个顶角平分线垂直底边）
像距等于物距，像个大小等于物个大小

参见