光个反射

来自维基百科
蹦到: 导航搜寻

来同种均匀介质里向沿牢直线传播,等到光从一种介质传到还有种介质个辰光,辣海两种介质个界面浪会得发生一部分光线或者所有各光线返回到原来个介质个现象,箇就是光个反射现象

因为咾弗发光个物事会得反射光线,所以阿拉能够看到弗发光个物事。

光个反射定律[编辑]

根据实验,光发生反射现象个辰光,入射光线反射光线搭仔法线辣海同一平面高头,反射光线搭入射光线辣海法线个两旁边,反射光线搭法线个夹角(反射角)等与入射光线搭法线个夹角(入射角),箇个叫光个反射定律。箇里向法线是一条经过入射点(入射光线搭两种介质界面搅勒一道个地方),外加搭界面垂直个假想个线。光射到球面或者弧面高头个辰光,法线垂直球会或者弧面个切线

光路可逆[编辑]

假使讲让光线倒过来沿牢原来反射光线个方向射到界面高头,根据光个反射定律,光就会得沿牢原来入射光线个方向射出,箇叫光路可逆

反射类型[编辑]

镜面反射[编辑]

光来平滑表面高头发生个反射现象是镜面反射,箇个辰光一束平行光线个反射光线还是一束平行光线。

漫反射[编辑]

光来粗糙表面高头发生个反射现象是漫反射,箇个辰光一束平行光线个反射光线就弗是一束平行光线了。

参见[编辑]