灶披间

灶披间（tsáu-phī-kāe）勒吴语里向有邪气多个名头，上海闲话里向貤讴厨房间（zȳ-vāon-kāe）搭仔灶间（tsáu-kāe），苏州闲话里向貤讴灶下（tsáu-ghó），侪是指畀人烧饭搭准备食物个房间或房间区域，根据设计搭面积个弗同，有眼辰光貤具备用餐、娱乐搭待客咾啥个功能。

一个顶顶基本个灶披间，应该拥有烧饭用个炉灶。除此以外，箇歇社会个灶披间常庄好配备微波炉、电磁炉、烤箱、用来切配喫个物事个操作台、用来汏食物搭提供用水个水槽、存餐具搭食物个橱柜搭冰箱咾啥个设备。