小說總論

吴语维基百科,自由个百科全书
跳到导航 跳到搜索

小說總論》(しょうせつそうろん)是二葉亭四迷文學評論,發表來在1886年(明治19年)箇「中央學術雜誌」丄向。

昰篇文章受坪內逍遙箇影響,外加貤進一步加強著批判箇內容,補充爻《小說神髓》箇弗足。儘管蠻短,弗過在日本近代小說史丄是搭《小說神髓》相當箇,邪氣重要箇一篇評論。

文章從「形(Form)」伉「意(Idea)」兩隻角度出發,對小說進行著梳理,強調著小說該應通過描寫社會丄各式各樣自然箇「形」,來直接表達「意」,而弗是去硬勁編隻衹有得善惡兩極箇故事出來,昰箇便是渠主張箇寫實主義思想。外加,還認爲假使衹弗過單單描寫「形」咾弗關「意」箇說話,也是蹩腳箇小說,蓋咾是擔「意」擺在傍「形」越加要緊箇地位。

外部鏈接[编辑]