宜川公园
宜川公園是中華人民共和國上海市普陀区一家公園，来勒宜川路93号，占地面积1.88公顷[1]。
历史
[编辑]宜川公园原址是赵家花园个一部分。清朝乾隆年间，浦东赵德嘉搬到新港支河赵园浜南岸（乃朝上海市普陀区宜川路街道）住，种花花草草。伊个后代多数侪种花，先后形成赵园、东赵宅、南赵宅、小南赵宅、北赵宅、赵园后浜等村，统称赵家花园。一开始箇埭生产玫瑰花、腊梅，后来品种增加到菊花、香石竹，对外销售[2]。
中华人民共和国建国以后，1956年赵家花园有花农221户，生产园地21.93公顷，生产花卉571种，市场占有率一度有上海市个40～50％到70％。1956年开始，赵家花园陆续畀征地，变成宜川新村。文化大革命个辰光，赵家花园改种蔬菜，1979年恢复种花木。80年代，赵家花园只挺宜川路洛川路口东南一小块地[3][2]。
1980年代，为咾解决宜川新村居民个游乐需求，赵家花园阿末一块地畀征地征脱开宜川公园，由上海市园林局设计室颜文武负责规划搭仔绿化设计，上海市园林工程公司等单位施工，投资总额54.5万元，1984年11月份动工，1986年4月16号竣工，同年5月1号开放，名字是从宜川新村来个[4][5][1]。赵园浜河道一部分变成宜川公园水面[6]。2004年，宜川公园门口新造了只2581平方米个开放式广场[7]。2005年4月1号，宜川公园开始免费开放[8]。2013年，赵家花园菊花种植技艺成为上海市第四批非物质文化遗产项目[9]。赵家花园个赵家菊花种植传承人来勒2016年11月份个辰光跑到宜川公园开菊花展[10]。
参考
[编辑]外部链接
[编辑]- 上海市林业局-宜川公园档案，存勒互联网档案馆当中。（2020年6月9号）