宁波书城
宁波书城是中国浙江省宁波市一只图书零售卖场，勒垃鄞州区甬江边丄，渠个用地原先是太丰面粉厂个旧址。宁波书城由宁波日报报业集团勒2007年6月9号投资宁波书城，勒垃2010年5月8号开放。落成时渠是华东地区顶大个图书零售卖场。[1]
工业遗存利用
[编辑]
宁波书城用地勒垃原太丰面粉厂旧址里相，渠个改造工程由工业遗存建筑改造大师，德国人温克设计，经沈磊、王澍、艾未未、马清运等专家评审而畀选中。宁波书城主体建筑高66米，表面使用贴附红砖个混凝土来装饰。箇是箇种建筑形式勒垃中国大陆首次采用。太丰面粉厂原有个烟囱畀看作宁波工业发展史个象征，保留下来，当中央空调系统烧天然气个排气孔。[2]而面粉厂原有面粉筒则成为文化艺术工坊。[3]
宁波书城改造原面粉厂建筑列表如下：
| 建筑编号 | 老用途 | 新用途 |
|---|---|---|
| 2号楼 | 办公楼 | 会所 |
| 3号楼 | 面粉筒 | 文化艺术工坊 |
| 4号楼 | 仓库 | 商场 |
| 5号楼 | 仓库 | 集中式教育培训中心 |
| 6号楼 | 楼梯塔 | 媒体塔 |
| 7号楼 | 锅炉房 | 文化餐饮 |
但丁雕像
[编辑]
勒垃宁波书城广场，还有得座但丁雕像，是按照佛罗伦萨市中心圣十字教堂前个隻1:1造个，全高4.35米，重毛3吨。为仔适应书城整体环境，雕像底座做了眼修改。[4]2011年10月14号凌晨，但丁雕像完成安装。[5]2011年10月20号下半日，作为第15届宁波国际服装节风格隻主要活动，但丁雕像落成典礼勒垃宁波书城举行。[6]
参考资料
[编辑]
- ↑ 卢科霞 张昊 (2010-05-09). 华东最大图书零售卖场--宁波书城开门迎客. 东南商报. 原始文档勒2012-06-14存档. 访问日脚2011-02-21.
- ↑ 王百秀 (2010-05-06). 书城的背后故事. 新侨报. 原始文档勒2011-09-01存档. 访问日脚2011-02-21.
- ↑ 3号楼：面粉筒改成的文化艺术工坊. 新侨报 (2010-04-28). 原始文档勒2011-08-11存档. 访问日脚2011-02-21.
- ↑ 史娓超 (2011-10-14). 关于但丁雕像的那些事儿……. 宁波晚报. 原始文档勒2016-03-05存档. 访问日脚2011-11-05.
- ↑ 但丁雕像落户宁波书城广场. 宁波晚报 (2011-10-14). 原始文档勒2016-03-06存档. 访问日脚2011-11-05.
- ↑ 殷浩 (2011-10-21). 但丁雕像落成典礼昨在宁波书城举行. 中国宁波网. 访问日脚2011-11-05.