大爆炸

来自维基百科
蹦到: 导航搜寻
根据大爆炸理论,宇宙是由一個極緊密、極熾热个奇点膨胀到现在个状态。

大爆炸咾,是描述宇宙诞生初始條件及其後續演化个宇宙學模型,昰隻模型得到了当今科学研究搭觀測最廣泛且最精確个支持[1][2]。宇宙学家通常所指个大爆炸观点为:宇宙是在过去有限个辰光之前,由一個密度极大且温度极高个太初状态演变而来个(根据2013年普朗克卫星所得到个最佳观测结果,宇宙大爆炸距今137.98 ± 0.37亿年[3][4][5][6][7]),并经过弗断个膨胀到达乃歇个状态。

大爆炸昰隻模型个框架基於爱因斯坦广义相对论,又在场方程个求解上作出了一定个简化(譬如空间个均匀搭各向同性)。1922年,苏联物理学家亚历山大·弗里德曼用广义相对论描述了流体,从而给出了昰隻模型个场方程。1929年,美国物理学家埃德温·哈勃通过观测发现,从地球到达遥远星系个距离正比於昰些星系个红移,从而推导出膨胀宇宙个观点。1927年时勒梅特通过求解弗里德曼方程已经在理论上提出了同样个观点,昰個解後首來畀称作弗里德曼-勒梅特-罗伯逊-沃尔克度规。哈勃个观测表明,所有遥远个星系搭星团视線速度上儕在远离我拉昰隻观察点,并且距离越远退行视速度越大[8]。如果当前星系搭星团间彼此个距离在弗断增大,葛末说明佢拉在过去曾经距离蠻近。从昰隻观点物理学家进一步推测:在过去宇宙曾经处於一個密度极高且温度极高个状态,大型粒子加速器在类似条件下所进行个实验结果则有力地支持了昰隻理论。然而,由於当前技术原因,粒子加速器所能达到个高能范围还十分有限,因而到目前为止,还弗曾证据能够直接或间接描述膨胀初始个极短时间内个宇宙状态。从而,大爆炸理论还无法对宇宙个初始状态作出任何描述搭解释,事实上佢所能描述并解释个是宇宙在初始状态之後个演化图景。当前所观测到个宇宙中轻元素个丰度,搭理论所预言个宇宙早期快速膨胀并冷却过程當中,最初个几分钟内通过核反应所形成个昰些元素个理论丰度值邪氣接近,定性并定量描述宇宙早期形成个轻元素丰度个理论畀称作太初核合成

大爆炸一词首先是由英国天文学家弗雷德·霍伊尔所采用个。霍伊尔是与大爆炸对立个宇宙学模型——穩態學說个倡导者,佢在1949年3月BBC个一次广播节目中擔勒梅特等人个理论称作“昰個大爆炸个观点”。虽然有交關通俗轶事记录霍伊尔昰然讲是出於讽刺,但霍伊尔本人明确否认脫昰隻点,佢声称昰衹是为仔著重说明昰两個模型个显著弗同之处。霍伊尔後首來为恒星核合成个研究做出了重要贡献,昰個是恒星内部通过核反应利用轻元素制造出某些重元素个途径。1964年发现个宇宙微波背景辐射是支持大爆炸确实发生个重要证据,特别是当测得其频谱从而绘制出佢个黑体辐射曲线之後,大多数科学家儕开始相信大爆炸理论哉。

参考文献[编辑]

  1. Feuerbacher, B. (25 January 2006). Evidence for the Big Bang. TalkOrigins. 访问日脚2010-06-11.
  2. Wright, E.L. (9 May 2009). What is the evidence for the Big Bang?. 'Frequently Asked Questions in Cosmology'. UCLA, Division of Astronomy and Astrophysics. 访问日脚2010-06-11.
  3. Planck reveals an almost perfect universe. Planck. ESA (2013-03-21). 访问日脚2013-03-21.
  4. Planck Mission Brings Universe Into Sharp Focus. NASA (21 March 2013). 访问日脚21 March 2013.
  5. Overbye, D. (21 March 2013). "An Infant Universe, Born Before We Knew". New York Times. http://www.nytimes.com/2013/03/22/science/space/planck-satellite-shows-image-of-infant-universe.html. Retrieved 21 March 2013. 
  6. Boyle, A. (21 March 2013). Planck probe's cosmic 'baby picture' revises universe's vital statistics. NBC News. 访问日脚21 March 2013.
  7. How Old is the Universe?. WMAP - Age of the Universe. NASA (21 December 2012). 访问日脚2013-01-01.
  8. Hubble, E.. -{zh;zh-hans;zh-hant|A Relation Between Distance and Radial Velocity Among Extra-Galactic Nebulae}-. Proceedings of the National Academy of Sciences. 1929, 15 (3): 168–73. PMC 522427. PMID 16577160. doi:10.1073/pnas.15.3.168.