星系
.jpg)
星系（英语：galaxy），或譯爲銀河，源自於希臘语个「γαλαξίας」（galaxias）。廣義丄星系指無數个恆星系（當然包括恆星个自體）、塵埃（如星雲）組成个運行系統。參考我拉个銀河系，是一個包含恆星、星團、星雲、氣體个星際物質、宇宙塵搭暗物質，並且受到重力束縛个大質量系統，通常距離儕在幾百萬光年以上。星系平均有數百億顆恆星，是構成宇宙个基本單位。[2][3]。典型个星系，從衹有數千萬（107）顆恆星个矮星系[4]到上兆（1012）顆恆星个橢圓星系儕有[5]，全儕環繞著質量中心運轉。除脫單獨个恆星搭稀薄个星際物質之外，大部分个星系儕有數量龐大个多星系統、星團以及各種弗同个星雲。
歷史上，星系是依據佢拉个形状分類个（通常指佢拉視覺上个形狀）。最普通个是橢圓星系[6]，有橢圓形狀个明亮外觀；螺旋星系是圓盤个形狀，加上彎曲个塵埃旋渦臂；形狀弗規則或異常个，通常儕是受到鄰近其他星系影響个結果。鄰近星系間个交互作用，作興會導致星系个合併，或是造成恆星大量个產生，成爲所謂个星爆星系。缺乏有條理結構个小星系則會畀稱爲弗規則星系。[7]
在可以看見个可觀測宇宙中，星系个總數可能超過一千億（1011）個以上。[8]大部分个星系直徑介於1,000至100,000 秒差距，彼此間相距个距離嚜是百萬秒差距个數量級[9]。星系際空間（存在於星系之間个空間）充滿了極稀薄个電漿，平均密度小於每立方公尺一隻原子。多數个星系會組織成更大个集團，成爲星系群或團，佢拉又會聚集成更大个超星系團。昰些更大个集團通常畀稱爲薄片或纖維，圍繞在宇宙中巨大个空洞週圍。 [10]
雖然我拉對暗物質个了解交關少，但在大部分个星系中佢儕佔有大約90%个質量。觀測个資料顯示超重黑洞存在於星系个核心，即使弗是全部，也佔仔絕大多數，佢拉畀認爲是造成一些星系有著活躍个核心个主因。銀河系，我拉个地球搭太陽系所在个星系，看起來在核心中至少也隱藏著一個昰樣个物體。[11]
特征
[编辑]星系大小差异蛮大。椭圆星系直径拉3300光年到49万光年之间；漩涡星系直径拉1.6万光年到16万光年之间；弗规则星系直径大约拉6500光年到2.9万光年之间。
星系个质量一般拉太阳质量个100万到1兆倍之间。
星系内部个恒星拉运动，而星系本身也拉自转，整个星系也拉空间运动。传统上，天文学家认为星系个自转，顺时针方向搭逆时针方向个比率是相同个。但是根据一个星系分类个分布式参与项目星系动物园个观察结果，逆时针旋转个星系更多一眼。
星系具有红移现象，说明箇些星系拉空间视线方向上拉嗨离我伲越来越远。箇也是大爆炸理论个一个有力证据。
星系拉大尺度个分布上是接近均匀个；但是小尺度上来看则咾弗均匀。例如大麦哲伦星系搭小麦哲伦星系组成双重星系，渠拉又搭银河系组成三重星系。
参考文献
[编辑]引用
[编辑]- ↑ "A Milky Arc Over Paranal". ESO Picture of the Week. Retrieved 10 April 2014.
- ↑ L. S. Sparke, J. S. Gallagher III（2000）．Galaxies in the Universe: An Introduction．Cambridge：Cambridge University Press．ISBN 0-521-59704-4．
- ↑ Hupp, E.; Roy, S.; Watzke, M. (August 21, 2006). NASA Finds Direct Proof of Dark Matter. NASA. 原始文档勒2020-03-28存档. 访问日脚2007-04-17.
- ↑ Unveiling the Secret of a Virgo Dwarf Galaxy. ESO (2000-05-03). 原始文档勒2012-07-29存档. 访问日脚2007-01-03.
- ↑ Hubble's Largest Galaxy Portrait Offers a New High-Definition View. NASA (2006-02-28). 访问日脚2007-01-03.
- ↑ Hoover, Aaron (June 16, 2003). "UF Astronomers: Universe Slightly Simpler Than Expected". Hubble News Desk. Retrieved 2007-02-05.
- ↑ Jarrett, T.H.. Near-Infrared Galaxy Morphology Atlas. California Institute of Technology. 访问日脚2007-01-09.
- ↑ Mackie, Glen (2002-02-01). To see the Universe in a Grain of Taranaki Sand. Swinburne University. 访问日脚2006-12-20.
- ↑ D. Gilman. The Galaxies: Islands of Stars. NASA WMAP. 原始文档勒2012-08-02存档. 访问日脚2006-08-10.
- ↑ Galaxy Clusters and Large-Scale Structure. University of Cambridge. 访问日脚2007-01-15.
- ↑ D. Finley, D. Aguilar (2005-11-02). Astronomers Get Closest Look Yet At Milky Way's Mysterious Core. National Radio Astronomy Observatory. 访问日脚2006-08-10.
书籍
[编辑]- Terence Dickinson: The Universe and Beyond（Fourth Edition）, Firefly Books Ltd. 2004, 2004
