外层空间

吴语维基百科,自由个百科全书
跳到导航 跳到搜索
地球个大气层搭外太空个分界一般浪定拉海拔100千米(62英里)个卡门线浪向。 散逸层拉690千米(430英里)上头。

外层空间上海言话:tha khong),也叫外太空、宇宙空间,简称空间、外空或太空(英语:outer space),指个是地球大气层搭其他天体以外老大个虚空区域。阿拉住个地球、月球搭仔八大行星侪是拉太空里向飘个

搭真空有所弗同个是,外层空间含有密度老低个物质,以电浆态个为主。里向还有电磁辐射磁场等。理论浪,外层空间可能还有暗物质暗能量

外太空搭地球大气层呒明确个界线,大气是会得随着海拔增加越来越薄咾。假设大气层温度固定,大气压会由海平面个约莫1013毫巴,随着高度增加呈指数化减少到零为止。

国际航空联合会定拉100公里个高度为卡门线,是现行大气层搭太空个界线定义。美国认定过了海拔80公里个人就是太空人噶,拉太空载具重返地球个过程中,120公里是空气阻力开始发生作用个界线。