外婆谣
外婆謠，也謳搖啊搖，外婆橋，是一種吳越各地都有流傳个童謠類型。一般以「搖啊搖，搖到外婆橋」開頭。有同名个慈溪話歌，也有各地吳語个翻唱。
各地版本[编辑]
上海[编辑]
版本一[编辑]
搖啊搖，搖啊搖，搖到外婆橋，外婆叫我好寶寶，一隻饅頭一塊糕。[1]
版本二[编辑]
搖啊搖、搖到外婆橋，外婆叫我好寶寶。糖一包，果一包，外婆買條魚來燒。頭嘸熟，尾巴焦，盛在碗裡吱吱叫，吃拉肚裡呼呼跳。跳啊跳，一跳跳到賣魚橋，寶寶樂得哈哈笑。[2]
版本三[编辑]
搖啊搖、搖到外婆橋，外婆叫我好寶寶。請喫糖，請喫糕，糖啊糕啊𠏕喫飽。少喫滋味多，多喫滋味少。[2]
版本四[编辑]
搖啊搖、搖到外婆橋，外婆叫我好寶寶。我叫外婆洋泡泡，外婆罵我小赤佬！[2]
宁波[编辑]
版本一[编辑]
搖呀搖，搖到外婆橋。外婆來該訪棉花，舅舅來該摘枇杷，舅姆樹上拗朵花，蹺得蹺得走人家。人客來蒞勿瀉茶，咯囉咯囉辱人家。
版本二[编辑]
搖呀搖，搖到外婆橋。外婆來該訪棉花，舅舅來該摘枇杷，看見人客嘎嘎笑，又搭矮凳又倒茶。糖一包，果一包，還有三塊黃年糕。
歌曲[编辑]
《外婆謠》也畀寫作歌曲，是甜貓貓演唱，高東填词，謝浩生谱曲个首歌，用慈溪話演唱。
箇歌在吳語圈扗風行，畀翻唱成吳越各地閒話，比方講紹興話、蘇州話、衢州話、常州話、上海話許，也有標準吳語个版本。[3][4][5][6][7][8]
歌詞[编辑]
標準吳語[编辑]
參考材料[编辑]
- ↑ 童谣：摇到外婆桥. 上海學前教育網. [2011-12-21]. （原始內容存檔於2019-09-17）
- ↑ 2.0 2.1 2.2 《摇到外婆桥》－－各地童谣民歌拾遗. 天涯論壇. [2011-12-21]. （原始內容存檔於2012-02-18）.
- ↑ https://www.bilibili.com/video/BV1C34y1B7dc/
- ↑ https://www.bilibili.com/video/BV1Gx411b7nC/
- ↑ https://www.bilibili.com/video/BV1fW411673f/
- ↑ https://www.youtube.com/watch?v=KdvJSCg7iF4
- ↑ https://www.bilibili.com/video/BV1aV4y1b7cx/
- ↑ https://www.bilibili.com/video/BV1E4411275d/