复旦大学附属妇产科医院
复旦大学附属妇产科医院，貤叫上海市红房子妇产科医院[1]，是一所三级甲等妇产科专科医院。医院有黄浦老院区、杨浦新院区两隻院区，黄浦院区来勒上海市黄浦区方斜路419号，新院区来勒杨浦区沈阳路128号。
红房子妇产科医院1884年成立，本来叫西门妇孺医院（英语：Margaret Williamson Hosipital），是美国基督教女公会咾啥创办个，1952年划拨畀政府接管。因为医院创建个辰光，屋顶是红颜色个，故咾一百多年来上海市民侪亲切个叫伊“红房子医院”；2003年，上海市卫生局批准“上海市红房子妇产科医院”箇隻第二冠名。红房子医院乃朝有黄浦、杨浦两隻院区，年门诊量高达162万人次，住院病人6.6万人次，门诊量、住院病人手术数侪是上海妇产科专科医院第一名。