塞尔维亚搭黑山

塞尔维亚搭黑山（塞尔维亚语：Државна Заједница Србија и Црна Гора/Državna Zajednica Srbija i Crna Gora），简称塞黑，是前南斯拉夫余下没独立个塞尔维亚搭黑山两個共和国勒拉2003年到2006年组成个松散邦联制国家，2003年前叫南斯拉夫联盟共和国。重组后个塞尔维亚搭黑山是只邦联，必过国际浪保持单一国际法人人格，两個加盟共和国只勒拉外交、国防等方面合作，各自个经济政策同货币体系（南斯拉夫第纳尔和欧元）侪弗一样，国家最高机构也勒拉贝尔格莱德同波德戈里察两個首都。联邦宪法规定任何一個共和国好勒拉2006年以后通过公民投票寻求独立，故咾2006年5月21号，黑山举行独立公投，独立派以微弱个票数55.4%优势获胜。6月3号，黑山议会正式宣布脱离塞尔维亚独立，6月5号塞尔维亚国会也宣布独立外加成为塞黑个法定继承国，塞黑箇咾解体并消失，变成功塞尔维亚搭黑山两個国家。