土星环

出自维基百科,自由个百科全书

土星环太阳系行星行星环中最突出托明显个一个,环中有弗计渠个数个小颗粒,渠个大小从微米到米侪有,轨道成丛集个绕着土星运转。环中个颗粒主要成分侪是水冰,还有一些尘埃搭别样个化学物质。

虽然环个反射能够增加土星个视星等(亮度),但从地球仅凭肉眼还是看弗见环。拉1610年,当望远镜第一次指向天空之际,伽利略虽然未能清楚个看出环个本质,但渠还是成为观察土星环个第一个人。拉1655年,惠更斯成为第一个描述环是环绕土星个盘状物个人。

虽然蛮多人侪认为土星环是由交关多微细个小环累积而成个(箇个观念可以回溯至拉普拉斯),并有少数真实个空隙。更正确个想法是箇些环是有着同心但是拉密度搭亮度上有着极值圆环盘。拉丛集个尺度上,圆环之间有交关多空洞个空间。

拉环个中间有一些空隙:有两条已经晓得是托被埋藏拉环中个卫星产生轨道共振引起个波动造成个,别样个空隙还弗晓得成因。稳定个共振,另一方面,也维系了一些环长期个存在,像是泰坦环