圆仁
圆仁(794年-864年2月24号)，日本天台宗三祖，谥号慈觉大师。
养勒下野国都贺郡。9岁去大慈寺修行，15岁到比睿山延历寺接受顶精深个教导。
838年以请益僧个身份跟压末一批遣唐使到中国求法，必过，到天台山个旅行许可朆批得下去，弗得弗拿修行个落场改成五台山。结束修行之后个圆仁前往当时世界浪顶大个城市、集中顶高文化个唐朝首都长安旅行。
勒拉旅行当中，圆仁写个日记《入唐求法巡礼行记》，居是日本人历史浪顶早个正式旅行记，记录当时唐朝皇帝唐武宗压制佛教个“会昌灭法”事件，有交关高个史料价值，搭中国唐朝玄奘个《大唐西域记》搭意大利马可波罗个《东方见闻录》并称世界三大旅行记。
847年圆仁回到日本並成为日本天台宗三祖，勒延历寺，渠修建着藏经阁保存登中国带转去个佛经搭法器。渠还开创着日本山形市个立石寺院。
圆仁居是一个搭人物有关个小作品。侬可以通过编辑或者修订扩充其内容。
