黃道

来自维基百科
蹦到: 导航搜寻

黃道,也叫日道,是從地球浪朝天浪望,太陽勒一年裏向,勒天球浪跑過個軌蹟。黃道搭地球自轉弗搭界。講清爽點,就是地球繞牢太陽轉,箇隻平均軌蹟平面,搭天球個交界線。

因為地球自轉軸搭公轉平面弗垂直,所以赤道平面搭黃道平面弗平行,俚篤當中夾仔23°27'個角度,所以造成功地軸笡過來。兩隻平面個交線就連牢春分秋分。地球浪望過去,太陽朝南變朝北,就叫春分。從該個場化朝東數一圈,0°到360°,就是黃道經綫,寫做λ,角度叫黃經幾化度。黃道緯綫就是南北正負各90°,寫做β,角度叫黃緯幾化度。