四月之声

封城辰光个外滩

“四月之声”是2022年4月22号下半日发出来个一部视频，收集了交关上海2022疫情辰光医护人员帮民众个录音。垃拉上海人个朋友圈里向行了弗得了，畀腾讯封脱之后，网民改标题呀反转咾啥个来接力转发。现在辰光已经完全删脱，社交媒体高头关键字也寻弗着。

视频

视频只有六分钟，开头末讲了3月15号上海新闻发布会辰光，官员讲到“搿歇上海还呒没封城，现在也呒没封个必要。（目前上海没有封城，现在也没必要封城）”。但不过3月26号个录音讲“阿拉也就是下牢决心封个两三天，封上一个礼拜来三𠲎？弗来三，为啥弗来三，因为上海，阿拉搿座城市，承载个弗单单是上海人民自家个上海。（咱们也就下定决心封上三五天，封上一周不行吗？不行，为什么不行，因为上海，我们这个城市，承载了不仅仅是上海人民自己的上海）”。阿下来视频播放了各种疫情辰光封城生活个录音。譬如有毛病弗畀治、宠物畀打煞脱、方舱医院呒没物事喫。也反应仔个有种志愿者个衰瘏“阿拉要向上头有交代个。”

也有交关暖心个闲话，邻居之间互相帮助、畀点警察喫食个。

背景是黑白个上海空拍画面，最后讲到上海近跄感染下降，以“上海，早日康复”做结局。

反响

短片发出几个钟头就变成功微博热搜，乃末就畀伊豪𢜶删脱。上海人通过下载接力垃弗同平台传播只视频。当天夜到就全网下架“四月之声”、“上海静默”等等关键词侪寻弗出结果，网民情绪越来越结棍，骂政府处理一天世界。视频作者觉着搿部视频个影响超过正常范围，下半天3点钟左右自家垃公众号高头个删脱。华尔街日报23号报导搿趟疫情助长了上海独立运动。

视频作者Cary垃自家微信公众号“永远的草莓园”高头后头讲呒没畀老派带走，弗晓得谣言是那能来个，伊讲：“完全呒没官方人员联络过我，以后假使有个闲话我也会积极配合沟通。（没有任何官方人员联络过我，以后如果有的话我也会积极配合沟通）”。