善化县

善化县辖境范围内顶有名个名胜⸺岳麓书院

善化县，是东亚大陆湖湘地区个一个已经消失脱个行政单位。迭个地方个历史邪气长，从宋朝开始设立，存在大概一千多年，也是现在湖南省长沙市个前身之一。

名称由来

善化迭个名字，来自“善化别名靳江”，“至得名之义，总取衷于守令‘倡化邑人’‘彬彬向善’云”。迭个意思是讲，善化个别名叫做靳江，现在名称是某个守令从“倡化邑人，彬彬向善”中择取两个字而成。此外，由于岳麓山也是善化县管辖范围之内，岳麓书院个名声又相当响亮，所以，“善化”个名称，就是来自书院个繁荣，意思是：“彬彬向善，倡化邑人”。

历史

11世纪挨末阶段，宋哲宗元符元年（公元1098年），宋帝国分长沙县5个五个乡搭湘潭县个2个乡，合在一道，设置善化县。个之后，此地历经宋元，到明朝初年个洪武十年（公元1377年），畀短暂并到长沙县。弗过三年之后个明洪武十三年（公元1380年），明帝国又重新设置善化县，到清代，延续迭个建制。

20世纪初个民国元年（公元1912年），善化县有一趟畀并到长沙县。1933年，长沙县个市区部分，设置长沙市。

治所

善化县个治所，在拉长沙府个府城当中，从宋朝开始，善化县就搭长沙县一道，作为潭州治所。到元代，开始成为天临路治所。明、清辰光，又一趟同长沙县一道作为长沙府治所，清又同为湖南省会。