和平饭店

和平饭店（英语：Peace Hotel）是来勒上海南京东路外滩路口个一爿饭店，由南楼、北楼两栋历史建筑组成。饭店1956年开业，接替原先停业个华懋饭店继续使用沙逊大厦，也就是北楼。1965年，原汇中饭店併进和平饭店，也就是南楼，地址分别是南京东路20号搭仔23号。1965年到2010年之间，两座建筑一道叫“和平饭店”。1991年到1994年，和平饭店连续4年评为“世界最著名饭店”^[1]，现在还是中国唯一一家世界著名饭店个酒店^[2]。

2007年到2010年，两家饭店侪经历整修重组。2010年，北楼个原华懋饭店变成加拿大费尔蒙酒店集团旗下个“上海和平饭店”，南楼原汇中饭店改成斯沃琪和平饭店艺术中心，主要对艺术家开放。乃朝上海和平饭店有270间客房^[2]，包括39间套房。

上海和平饭店个九国特色套房是伊个特色，每间房间个建筑风格侪来自9個弗同个国家。此外，和平飯店个老年爵士酒吧也是上海顶有名气个爵士乐队之一，1980年成立个，由7名年纪超过75岁个老人组织，每天夜里向侪会得演奏廿世紀三、四十年代个欧美爵士流行曲。

参考

↑ 特色志 >> 上海名建筑志 >> 欧美风情的沪滨广厦 >>世界著名饭店：华懋饭店大楼（沙逊大厦、和平饭店北楼）档案，存勒互联网档案馆当中。（2019年3月31号）上海地方志办公室
↑ ^2.0 ^2.1 上海和平饭店. 访问日脚2013-12-21.

外部链接

费尔蒙和平饭店档案，存勒互联网档案馆当中。（2012年6月18号）
斯沃琪和平饭店艺术中心档案，存勒互联网档案馆当中。（2020年11月30号）

[dd-1] 特色志 >> 上海名建筑志 >> 欧美风情的沪滨广厦 >>世界著名饭店：华懋饭店大楼（沙逊大厦、和平饭店北楼）档案，存勒互联网档案馆当中。（2019年3月31号）上海地方志办公室

[rt-2] 2.0 ^2.1 上海和平饭店. 访问日脚2013-12-21.

[1]

[2]