吞食天地（红白机）

《吞食天地》是一款由卡普空公司拉1989年拉FC游戏机发行个游戏，题材取自本宫宏志个同名漫画《吞食天地》。托街机版个动作游戏弗同，本作是以戰略角色扮演个形式发布。2007年，游戏面向手机发布了《吞食天地RPG》。此外，游戏曾拉1990年发布北美本地化版。

本游戏拉FC平台个续作《吞食天地II 諸葛孔明傳》拉1991年拉日本发行。

玩家拉本作中将扮演刘备军。游戏以桃园结义、征讨黃巾軍拉开序幕，并以一统天下为目个南征北战讨伐逆贼。拉打败刘璋之前个剧情搭《三国演义》个流程大致相同，但搭曹操交锋个剧情拉本作则并没出现，而搭渠相关个事件（如赤壁之战搭关羽千里行）也侪被省略了。原漫画个人设搭道具拉游戏中侪有体现，但天界搭魔界个世界观则并没拉游戏中出现。

剧情

黄巾军个头领张角发起民变，刘备、关羽、张飞建立民兵保卫渠拉个村庄。最终刘备击破了张角个营寨，平定了民变。病危个徐州太守欲拿城交畀刘备，而刘备拉迟疑下答应了。之后个故事托《三国演义》大致相似，但也有着显著个变化。游戏以蜀汉一统全国而告终。

评价搭影响

作家安迪·斯拉文称游戏“往往被忽略”，并称渠是独特个策略性FC游戏。渠称赞游戏充满挑战搭乐趣。