同济大学站

同济大学站垃拉上海市杨浦区四平路国康路同济大学附近，为上海轨道交通十号线个地下车站。拉2010年4月10号启用。

车站同四平路-中山北二路下立交、同济大学过街通道两条地下通道共构，地下一楼是四平路-中山北二路下立交，地下二楼是车站站厅，地下三楼是车站站台。下立交、过街通道搭地铁车站勒拉同一辰光施工，施工个辰光统一交畀地铁项目公司管理。过街通道连接同济大学四平路主校区搭原巴士一汽地块（现同济大学建筑设计研究院），计划有人行通道搭车行通道，2012年5月19号举行人行通道开通仪式，必过车行道一直呒没造好。箇条通道2020年因疫情关闭，到现在还呒没恢复开放。