古巴

出自维基百科,自由个百科全书
古巴勒中美洲个位置
古巴勒中美洲个位置
古巴国旗
古巴国旗

古巴 (Cuba),全名是古巴共和国西班牙语:República de Cuba),中美洲国家之一,勒拉加勒比海浪,墨西哥湾入口处,西面搭墨西哥尤卡坦半岛隔了個尤卡坦海峡,南面有牙买加开曼群岛,东面搭海地共和国多米尼加共和国隔了個向风海峡,东北面有巴哈马群岛,北面是佛罗里达海峡,对过是美国佛罗里达州顶南面个基韦斯特。西班牙语为国语。

古巴是美洲唯一个社会主义国家。虽然伊一直畀美国长期经济封锁,但伊个预期寿命有78.3岁、识字率有99.9%,伊个人类发展指数一直是高水平;勒拉2014年,古巴更是头一趟迈入极高人类发展指数行列。联合国粮农组织指出,古巴是目前拉美唯一一個完全消除脱饥饿个国家[1][2]

名字个由来[编辑]

一般认为,“古巴”箇個名字来自泰诺语“coabana”,是“肥沃之地”或者“好地方”个意思[3]

地理[编辑]

古巴地形图

古巴陆地有古巴岛青年岛搭大大小小拢总4,195個岛。古巴岛是主岛,四周有四個较小个岛群,譬如西北海岸外头个科罗拉多群岛、主岛中北段大西洋沿岸个萨瓦纳 - 卡马圭群岛、中部南岸个王后花园群岛搭北部南岸个卡纳雷奥斯群岛

古巴个领土总面积有110,861平方公里。古巴岛长,从西面个圣安东尼奥角到东面个迈西角,有1,225公里长,顶顶阔个地方大约210公里,顶顶狭个只有弗到32公里,平均差弗多80公里阔,全岛面积有105,006平方公里,是加勒比海里向顶顶大个岛,世界排拉第17位。地势比较平坦,山地、丘陵只有1/4,呒没独立个山,可耕地面积有6.6万平方公里。主要山脉为东南部个马埃斯特腊山脉、中部个埃斯坎布拉伊山脉搭西部个瓜尼瓜尼科山脉,有喀斯特地形石灰岩山地搭岩洞。哈瓦那周边个丘陵地有石灰岩风化土,是肥而且排水良好个种植业用地。最大山脉马埃斯特腊山脉沿拉南部海岸250公里,南坡陡、北坡缓,主峰图基诺峰海拔1,974米,是全国顶高个地方。

因为古巴岛个河浜短、浅、急,所以弗方便航运,方便水力发电。勒拉东部个考托河全长370公里,是顶顶大个河浜,中、下游有差弗多110公里好通航。

主岛海岸线弯弯扭扭,长3,735公里,峡湾海湾红树林珊瑚礁湿地、大小岬角搭半岛,景色多样。近海有7万平方公里个大陆架。天然深水良港多,哈瓦那港条件顶好。古巴第二大岛是青年岛,面积有3,056平方公里。

历史[编辑]

早期文明[编辑]

殖民[编辑]

古巴共和国(1902-1959)[编辑]

革命和社会主义时期(1959-)[编辑]

主文章:古巴革命

行政区划[编辑]

古巴分成14個省、一個省级市(哈瓦那市)搭青年岛特区。

  1. 比那尔德里奥省
  2. 阿尔特米萨省
  3. 哈瓦那市
  4. 玛雅贝克省
  5. 马坦萨斯省
  6. 西恩富戈斯省
  7. 比亚克拉拉省
  8. 圣斯皮里图斯省
  1. 谢戈德阿维拉省
  2. 卡马圭省
  3. 拉斯图纳斯省
  4. 格拉玛省
  5. 奥尔金省
  6. 圣地亚哥省
  7. 关塔那摩省
  8. 青年岛特区

参考文献[编辑]

维基共享资源里向寻得着搭该篇文章搭界个多媒体资源: