半岛战争

出自维基百科,自由个百科全书

半岛战争拿破仑战争辰光,发生来勒伊比利亚半岛高头个一场大规模全面战争。战争个一方是侵略个法兰西第一帝国,反抗个一方是西班牙王国葡萄牙王国英国。战争从1808年持续到1813年,最终个结果是拿破仑扶植个西班牙王国畀灭脱,半岛人民获得自由。迭个战争把西葡人民邪气大个打击,间接造成南美地区分离运动加剧,并埋下19世纪西班牙个社会动荡个祸根。

起因[编辑]

法国来勒拿破仑上台之后,一直对扩张侵略别个国家有邪气大个兴趣。到1806年,法国对一直搭英国结盟个葡萄牙王国邪气弗満,希望拿伊拉灭脱。正好,迭个辰光西班牙王国王室也有交关内部问题。所以,拿破仑叫西班牙国王搭太子到法国让伊自家来调停,随后囚禁伊拉,又派自家个军队到西班牙,开始遥控统治。西班牙人民逐渐察觉到法国人个恶劣行径,纷纷开始抗击侵略军队。法国弗断对西班牙增兵,又让拿破仑个阿哥当所谓个西班牙国王。导致全面个战争爆发。