乃朝个兖州
兖州府，是明清帝国阶段，在拉东亚大陆上向存在过歇个一只行政单位。
明帝国洪武十八年（公元1385年），拿兖州升级成功兖州府。 府城在拉滋阳县（今济宁市兖州区）。管理廿三个县。
满洲人入关之后，继续保留迭个区划，此地原旧叫做兖州府，属兖沂曹济道，外加还是道个治所。
雍正之后，老早仔兖州府个沂、曹、济宁、东平四个散州畀山东省直接管理，后手来，金乡、鱼台、嘉祥又畀划到济宁州；东阿、平阴、东平州畀划分到泰安府；曹州、单县、成武、曹县、定陶、巨野、郓城独立出去，设立曹州府；沂州、郯城、费县畀摆在拉一淘，建立沂州府。
民国初，废兖州府。
