克里米亚自治共和国

出自维基百科,自由个百科全书
Автономная Республика Крым
克里米亚自治共和国
国旗 国徽
国歌祖國,妳的原野與山脈是如此美妙
自然地理
(实际管辖区)
首都 辛菲羅波爾
面积
  • 国土面积:26,100平方公里
  • 水域率:%%
时区 UTC +2至+3
人民生活
官方语言 俄语
人口
  • 总人口:1973185(2007年中估计数)
  • 人口密度:75.6/km2
政治文化
国家领导人:
主要节日 圣诞节
经济实力
货币单位 UAH
国家资料
国家象征
  • 国花:
  • 国际域名缩写 .ru
    国际电话区号 +380

    克里米亚自治共和国乌克兰境内个一个自治主权实体,来勒克里木半岛高头,是一个拥有老大自治权利个共和国。来勒历史高头,克里米亚帝国个统治权一直来勒更换,有交关民族先后统治过迭个地方。15到18世纪,迭个地方是信回教个游牧民族建立个克里米亚汗国,18世纪后,此地成为俄国个一个州,1954年被苏联领导人划畀乌克兰,1991年苏联解体之后,此地有交关人想回归俄罗斯,最终成为一个乌克兰境内有老大自治权利个共和国。当地个民众大部分是俄罗斯人,侪比较欢喜俄国。2014年3月,克里米亚共和国通过全民公投,宣布加入俄罗斯。弗过,国际社会并没广泛承认迭个公投个合理性。

    历史[编辑]

    更迭个归属[编辑]

    来勒顶早个两千多年之前,此地被希腊人叫做“Taurica”。此地因为邻近草原搭黑海,所以有各式各样完全弗同个居民,来勒半岛个北面,生活交关斯基泰人,来勒南面个沿海地区,有交关希腊移民建立个城市。来勒公元前2世纪个辰光,此地成为博斯普鲁斯王国个一部分,到后头又称为罗马帝国控制下个领土。来勒罗马帝国崩溃之后,此地开始成为各大游牧民族进入欧洲个走廊。先后有匈奴人哥特人保加利亚人从此地进入欧洲。来勒公园7世纪个辰光,来自中亚西面个可萨人建立信奉犹太教可萨汗国,克里米亚成为伊拉个一个重要贸易港口,有交关来自拜占庭帝国个商人来此地贸易。基辅罗斯兴起之后,此地也有斯拉夫商人来活动。

    回教汗国个建立[编辑]

    鞑靼人

    13世纪蒙古帝国对东欧个统治让此地出现真空。来自地中海个热那亚威尼斯城邦商人逐渐控制此地沿海个港口,让此地成为伊拉进行黑海贸易个中心。此后,此地个归属权就一直成为地中海城邦国家搭内亚帝国个焦点问题。来勒14世纪,席卷欧洲个黑死病,就是来勒蒙古人围攻克里木个城市辰光通过抛到城里向个尸体传播个。到15世纪,因为中亚个帖木儿破坏金帐汗国对东欧个统治,让此地个回教信徒自立为王,自称是铁木真个后代,并且搭后头个奥斯曼帝国结盟,成为克里木半岛个统治者,迭个一批人叫做克里木汗国个主体,克里米亚鞑靼人

    帝国争霸个结果[编辑]

    自从建立开始,克里木汗国就弗是一个真正独立个国家,伊拉个生存,侪依赖南面奥斯曼帝国个帮忙,所以伊拉也通过烧杀北面个斯拉夫人,获得奴隶,来满足南面同是穆斯林个帝国认可。来勒15-17世纪个相当长辰光内,克里米亚鞑靼人每年侪要抢劫超过1.5万个斯拉夫人当奴隶,拿伊拉卖到中东个市场当中,供穆斯林玩弄奴役。克里木半岛,迭个辰光成为堪比大西洋个重要奴隶市场。弗过,自从俄罗斯帝国崛起之后,鞑靼人就没介嚣张哉。到18世纪,伊拉个主子奥斯曼屡战屡败,鞑靼人再也没有靠山,终于来勒18世纪中后期被俄国灭脱。成为俄国个属地搭黑海舰队个驻扎地。

    开发搭变迁[编辑]

    从19世纪开始,俄国人开始慢慢拿此地西方化、近代化。来勒19世纪开始个辰光,此地个人口大多数侪是鞑靼人,对俄国搭西方文明侪有老深个敌意。所以,俄国人欢迎德意志人犹太人希腊人亚美尼亚人来此地定居,成为城市里向个商人阶层,通过19世纪中期开始个快速建设。此地逐步成为俄国有名个疗养胜地搭度假区。工业搭交通也开始发展。弗过来勒半岛个内部地区,还是中世纪风格个鞑靼人村庄占到优势。

    民族重组搭解体之后[编辑]

    到苏联辰光,此地继续保持旅游胜地个地位,二战当中,此地个鞑靼人全民帮助纳粹德国,希望通过帮助德国人来恢复伊拉老早个克里米亚汗国苏联红军拿纳粹击退之后,斯大林拿鞑靼人全民流放到中亚,又让交关俄罗斯人移民到此地,彻底改变此地个民族构成。因为斯大林身体方面个原因,克里米亚州也成为伊欢喜个疗养场所。到1945年,二战结束之前,同盟国三巨头来勒克里米亚半岛高头个雅尔塔召开协商会议,划分各自个势力范围搭战后个国际秩序。五十年代,克里米亚成为纪念乌克兰搭俄罗斯合并个礼物,被赫鲁晓夫送畀乌克兰。到1991年苏联解体之后,此地弗接受来勒乌克兰境内个事实,多次有分裂主义倾向。所以从九十年代中期开始,成为一个权力老大哥自治共和国,平常侪搭乌克兰个主体没啥联系个。

    来勒2014年个乌克兰动荡当中,克里米亚共和国表现出强烈个亲俄立场。

    地理[编辑]

    克里米亚共和国个国土侪来勒克里木半岛高头,是一个典型个半岛国家。来勒西南面搭西北面侪是黑海,东面挨牢亚述海。北面有狭小个地峡搭乌克兰主体连接。整个共和国面积2万6千多平方公里,大致相当于江南五府个面积。

    地形[编辑]

    从地形高头看,整个半岛可以分成三个明显弗同个地区:北部草原,中央山脉,南面海岸。 草原是克里木半岛个主体,占到整个半岛面积个四分之三。迭个草原,是乌克兰南部草原个自然延伸,也是横跨整个欧亚大陆个内亚游牧带个顶西端。这些草原,坡度比较平缓,适合放牧。成为老早一批批游牧民族个根据地。 山脉集中来勒半岛个中南部,平均高度来勒600-750米之间。山脉虽然弗是老高,但让南北个气候有老大哥弗同,来自南面个暖风吹弗到北面,一方面让南面气候宜人,另外一方面,也让北面个草原比较干燥。 南面个沿海地区弗是整个半岛个精华,拥有交关城市,大部分人口也生活来勒此地。种植葡萄等作物个农业也来勒此地有悠久个历史。此地来勒历史高头就一直搭欧洲有充分个联系,搭北面个草原有完全弗一样个生活状态。

    气候[编辑]

    整个半岛大部分地区属于温带大陆气候,草原地区冬天少雨水,夏天也比较干燥,弗适合树木生长。山脉南面个沿海地区弗大一样,因为受到黑海个影响,是亚热带湿润气候,冬天温度来勒0度以上,夏天来勒28度左右。邪气适意。克里米亚个降水量弗多,年平均是400毫米。