克里米亚鞑靼人

鞑靼分离主义标志

克里米亞韃靼人（qırımtatar），伊拉也自称为真正个“克里米亞人”（qırım, qırımlı），属于突厥化个回教徒，伊拉自家讲是克里米亚半岛个原住民。不过搿一点呒没啥证据。根据研究，迭个民族属于一个混杂体个典型。伊拉个祖先血统蛮丰富，顶早个祖先，好追溯到斯基泰人、希腊人、哥特人、东斯拉夫人、罗马尼亚人搭切尔克斯人。另外，还有威尼斯人、熱那亞人搭突厥当中个匈人、阿瓦尔人、保加尔人、可萨人、佩切涅格人以及钦察人个混血，嘞民族融合个过程中，主要个共同因素就是回教、突阙闲话帮伊拉个领土，所以伊拉个血统也是老丰富。迭个民族也是顶早宣傳泛突厥主义个民族。伊拉来勒14世纪个辰光接受回教，搭南面个回教国家关系密切，遵循完全个回教圣战思想。虽然克里米亚鞑靼人畀叫做鞑靼人，但讲个闲话帮伏尔加鞑靼人个差老远嘞嗨。

人口

根据乌克兰个调查，到2001年，有25万鞑靼人来勒克里米亚半岛。到2012年，来勒乌克兰50万回教信徒里向，鞑靼人占到五分之三。来勒中亚个乌兹别克斯坦，还有15万鞑靼人。

扩散范围

历史高头，搿眼鞑靼人占据克里米亚半岛，也就是现在辰光克里米亚共和国个一部分。其余人口分布来勒烏克蘭、土耳其、罗马尼亞、保加利亚、波兰、立陶宛、白俄罗斯搭北美、巴西，也有点人通过非法移民去西方拿到难民个身份，迁移到西欧搭北欧（芬兰）。

历史

来勒14世纪，鞑靼人帮蒙古人一道进入克里米亚半岛。征服当地个土著居民并让伊拉接受回教，来勒15世纪形成一个克里木汗国，成为一个宗教捆绑个游牧混合民族。

这些人老早是奥斯曼帝国贩奴活动个中间人，首先由伊拉个朵斯提：诺盖人捕到斯拉夫农民作为奴隶，随后交畀伊拉，装到船高头，送到奥斯曼帝国个各个奴隶市场。从15到18世纪，一共有超過300万斯拉夫人被贩卖到回教国家，搿种情况一直持续到18世纪头。除脱贩卖奴隶，伊拉也欢喜抢劫村庄，来勒16世纪个辰光，伊拉经常对莫斯科周边进行洗劫。到17世纪，又经常打压乌克兰地区个农民。当时辰光，克里米亚鞑靼人个主要生计就是靠袭击别国。

18世紀，埃面𡍲个靠山奥斯曼帝国彻底萎靡，伊拉也没了嚣张气焰。1776年畀俄罗斯合併，伊拉畀讲第二次世界大戰辰光搭纳粹勾結一道，对当地个俄罗斯人搭乌克兰人进行宗族清洗，搿末到二战结束，搿批人侪畀斯大林流放到中亞，苏联解体之后，乃末搿眼人个后代也就好大规模地从中亚返回自家家乡。

泛突厥搭伊斯兰

伊批人邪气相信泛突厥主义。