出自维基百科,自由个百科全书

是一种人眼望得着个电磁波(可见光谱)。光只是电磁波谱里个某一段频谱。光是由一种叫做光子个基本粒子组成。具有粒子性搭波动性,要勿讲波粒二象性

研究历史[编辑]

有关光个本性问题,早早个便引起人个注意。

印度教搭佛教个理论[编辑]

公元前6到5世纪个古印度数论派(Samkhya)搭胜论派(Vaisheshika)个学者便形成光个理论。数论派认为光是组成世间万物个五微尘(tanmatra,即「五唯」——香、味、色、触、声)之一。箇五种元素个粒子性呒特别说明,搭个便当作连续状态来理解个。

还一种观点来自胜论派,渠里提出一种原子理论,认为物理世界建立于非原子个以太里,以太由时间搭空间组成。最基本个原子分别是土 (prthivı),水(pani),火(agni)搭空气(vayu),箇里个意思搭平时意义上个箇两种物质弗样。箇许原子结合形成双原子分子,进一步结合形成还大个分子。箇许实物原子视作运动个,种运动搭个还理解成非瞬时性个。渠里认为光线是高速个火(tejas)原子流。当火原子以弗样速度运动、以弗样形式组合时,光粒子可以展现弗样个特征。徕公元前一世纪左右个《毗湿奴往世书》( Vishnu Purana)里,阳光称作「日头个七辉线」。

印度佛教徒,比如五世纪个陈那菩萨(Dignāga)搭七世纪个法称(Dharmakirti),发展出一种原子论哲学,认为组成现实世界个原子,实体其实是光要勿能量个瞬间流动。光是搭能量样个原子整体,搭现代光子概念相似,不过渠里畀全部物质都望作由箇许光能粒子组成。

另外,照《歌咏明论》(便是《梨俱吠陀》Rigveda)记写,光有三种元色:「畀箇三种颜色串起来,好转现整个视觉世界」。

特性[编辑]

光是能量个一种传播方式。光源发光,是光源中原子个运动之故。有三种方式:热运动跃迁辐射受激辐射。头种是生活当中最长望个,比如电灯搭火;后头种多应用到激光

传播速度[编辑]

来真空里光个传播速度是 299,792,458 m/s(准),是一个常数,以符号 c 代表,也是讯息传播速度个上限。光子个静止质量是0,怪得理论上呒任何物质个速度超过光速。

光源[编辑]

徕耷发光个物体叫做光源,「徕耷」箇條件必須有。光源是天然个人造个都呒杲。

光線[编辑]

光是直线传播个。基于光线个光学,称作几何光学要勿线性光学(Beam Optics)。

光个应用[编辑]

能源(清洁能源)、电子(计算机、电视、投影仪许)、通信(光纤)、医疗保健(伽玛刀、B超仪、光波房、汗蒸房、X光机)许。