倭仁
乌齐格里·倭仁（穆麟德：Wesin,1804年~1871年），字艮峰，又字艮斋，蒙古正红旗人，19世纪清帝国有名个大臣、文人、守旧理学家。
生平
[编辑]伊在拉一个蒙古正红旗家庭出生长大，虽然是蒙古族，但因为是河南开封长大，又是旗人，所以，蒙古色彩，实际浪弗大浓。
道光九年（1829年），倭仁考中进士，选庶吉士，授编修，历中允、侍讲、侍读。
1861年之后，开始受到高层重视，畀拿出来当作自家装点门面个道学家人物。伊自家做事体完全按照程朱理学一套搞法，对新思想，改革侪邪气排斥，经常发表反对言论：
立国之道，尚礼义，不尚权谋；根本之途，在人心，不在技艺。 今求之一艺之末，而又奉夷人为师，无论夷人诡谲，未必传其精巧，即使教者诚教，学者诚学，所成就者不过术数之士。
同治九年，发生有名个天津教案，对自家老百姓瞎胡搞迫害传教士，倭仁完全认为嘸没问题，反过来认为
今日重罪守令以谢洋人，将来此端一开，何以立国？
同治十年四月二十一号（1871年6月8日），倭仁死脱。在拉遗嘱当中，又讲要要同治帝“毋以诵读为具文，毋以《诗》、《书》为迂阔”，反映出伊还是幻想用传统儒家方法解决一切问题。