俄语维基百科

俄语维基百科（俄语：Русская Википедия）是维基百科协作计划个俄语版本，非营利组织维基媒体基金会维持负责个。乃朝是斯拉夫语族版本个维基百科里向词条数量顶多个隻，到2025年9月30号，有得超过206万条条目，勒垃所有维基百科版本里向规模排名第7（依条目量计算）。本计划2001年5月份开始个，主页2002年11月7号创立个，是第六隻条目数达到100万条条目个维基百科版本。因为伊个政治观点帮俄罗斯政府弗一样，外加因为吸大麻（ru:Курение каннабиса）条目里向呒没提到大麻个危害^[1]^[2]^[3]、透露2022年俄乌战争里向俄罗斯部队个情况咾啥个，俄语维基百科经常性畀俄罗斯政府罚款^[4]，俄罗斯国家杜马三天两头要求拿伊封脱^[5]，还推出星俄语维基百科个分支项目。