乍米亞

乍米亞（英语：Zomia），貤翻译成功佐米亚、赞米亚咾啥个，是阿姆斯特丹大學歷史學家維連·范·申德（Willem van Schendel）提出个地理概念，指个是一隻東南亞內陸高地山区个廣泛地方。箇地人口个特點是有意識个抗拒现代性、抗拒國家權力機構或者各許形式个發達等級制度。

佢扣開始包括印度支那山區、喜馬拉雅山區搭青藏高原，後瑲畀作者擴展到中國西南、阿富汗、巴基斯坦、吉尔吉斯斯坦搭塔吉克斯坦，面積超過250萬平方公里，总人口超過1億.

介紹

乍米亚宕地族群个特點是人口少、自我孤立、政治丄畀鄰邦主導、边缘化搭種族、宗教搭語言个多樣性。佢侇有泛靈論者、佛教徒，耶穌教徒，道教徒，儒家信徒，穆斯林許，箇中多数社会遵循複雜个融合主義（Religious syncretism）。