上海久事集团
.jpg)
上海久事（集团）有限公司（英语：Shanghai Jiushi (Group) Co., Ltd.）[1]，簡稱上海久事或久事公司，是一家总部来勒上海个国有投资经营控股公司。公司勒1987年成立，由上海市人民政府出资，由上海市国有资产监督管理委员会进行监督管理。伊个主要职责是经营上海市政府授权个国有资产搭仔政府性项目个投资[2]，比方讲公交运营、楼宇开发、赛事运营咾啥个。
上海久事有12家直接隶属个二级企业[2]，比方讲上海强生控股、上海久事公共交通集团有限公司、上海都市旅游卡发展有限公司、上海久事国际赛事管理有限公司、上海国际赛车场有限公司咾啥个。[3]
历史
[编辑]1987年，上海市人民政府根据中华人民共和国国务院《国务院关于上海市扩大利用外资规模的批复》（国函〔1986〕94号）[4]批准组建上海久事，代行市政府“94专项办公室”职能，公司个名字是“九四专项”个谐音[5]。根据上海市政府报请国务院批准个实施方案，迭家公司先后向IMF、世界银行、亚洲开发银行咾啥个机构借款32亿美元，當中14亿美元投资到南浦大桥、上海地铁一号线、苏州河合流污水治理一期工程、虹桥机场候机楼改造、20万门市内电话扩容等市政基础设施项目上，13亿美元投资到268项工业技术改造项目（比方讲上海华虹、电真空），5亿美元用到第三产业个改造浪[5]。
1990年，上海久事公司同上海实事公司合併。1992年，上海久事公司从事业单位转制成企业。1999年8月份，上海外滩房屋置换有限公司合併进上海久事公司。2005年，上海久事拿上海交通投资（集团）有限公司、上海巴士实业（集团）股份有限公司、上海强生集团有限公司、上海五汽冠忠公共交通有限公司、上海现代交通建设发展有限公司五家公交企业合併进去。2009年3月份，上海巴士公交（集团）有限公司成立。
2019年，上海男篮个100%股权正式转让畀久事体育[6]。2020年7月16号，上海交运（集团）公司被转交畀久事集团托管[7]；2020年12月份，交运集团变成久事集团全资子公司[8]，来勒第二年3月份改名叫久事旅游[9]。
参考
[编辑]- ↑ 2015年公司基本情况档案，存勒互联网档案馆当中。（2016年10月20号）
- ↑ 2.0 2.1 久事公司-公司介绍. 原始文档勒2013-12-24存档. 访问日脚2024-10-17.
- ↑ 久事公司-组织架构. 原始文档勒2013-12-24存档. 访问日脚2013-12-23.
- ↑ 国函〔1986〕94号 国务院关于上海市扩大利用外资规模的批复. 中华人民共和国国务院 (1986-08-05). 访问日脚2019-10-30.
- ↑ 5.0 5.1 上海首创扩大利用外资建设城市. 中新网.
- ↑ 姚明正式卸下上海男篮老板身份 (zh). 新民晚报 (2019-05-28). 访问日脚2019-05-28.
- ↑ 交运股份关于上海久事（集团）有限公司委托管理上海交运（集团）公司的公告. 网易. 原始文档勒2021-04-21存档. 访问日脚2021-04-21.
- ↑ 交运集团深化改革取得新进展. 上海市国资委 (2021-02-20). 访问日脚2021-04-21.
- ↑ "上海久事旅游（集团）有限公司在沪揭牌". Retrieved 2021-03-03.
外部链接
[编辑]- 上海久事公司官方网站 档案，存勒互联网档案馆当中。（2019年9月28号）