政府

来自维基百科
蹦到: 导航搜寻

政府是一隻政治体系,垃某個區域訂立、執行法律搭管理个一套机构。广义个政府包括立法机关、行政机关、司法机关、军事机关,狭义个政府仅指行政机关;在内阁制国家,“政府”一词也用來指代表国家最高行政机构个核心,即“内阁”。

政府也是一种权力分配个格局。弗罷是司法权、立法权搭行政权之间个关系,也是中央政府与地方政府之间个关系,甚至也包括了政府各部门单位之间以及公务员之间个权力分配。

政府是组成国家整体个一個重要部分,政府隶属於国家。葛咾执政政府个倒台或政权个更替并弗意味著国家个灭亡,而如果国家灭亡脫了,政府也就弗可能存在。公民对於国家个合法性存在认同性高於对政府个认同性。

政府也是一种组织,区别於一般个社会组织,政府权力个取得必须具有合法性,同时具有强制性搭权威性。权力衹为权力来源负责,政府也弗例外。如果政府个权力来源恰好是国民或公民,政府就对国民公民负责,为公共利益服务。

政府依照法律行使执法权,如果超出法律赋予个权限范围,就是“滥用职权”;如果嘸沒完全行使执法权,就是“弗作为”。两者儕是政府个错误。

政府与市场[编辑]

市场为仔保持其平等与开放个特性,促进竞争,对政府个干扰有本能个排斥;另一方面,市场为了维持秩序又需要政府调停。尤其是市场失灵辰光,更需要政府个介入。政府对市场个干预包括开展公益服务,发展公共事业,解决外部性问题(例如环境污染);控制垄断个出现,维护市场个稳定搭机会公平;解决信息弗对称问题咾啥。

政府由於在政策搭工作丄个低效率,对市场个干预也可能导致政府失败个发生。现实當中政府个干预或多或少难免存在失误,关键是如然擔政府失败控制在最小限度之内。

政府干预市场个模型按照最小政府到最大政府可以分成无政府社会最低限度国家守夜人国家)、混合政治经济国家福利国家全能主义国家

无政府社会理论上嘸沒政府干预,完全依靠市场规则,但是实际中个无政府状态常莊表现为混乱无序,根本无法建立有效个市场规则。在守夜人国家模式下頭,政府除脫国家安全搭维持秩序外,基本弗干涉经济。混合政治经济国家则主张在自由市场经济个基础丄实行国家适度干预,现代国家大多属於这种类型。福利国家为公民提供详尽个福利政策,政府对经济有老强个控制。全能主义国家嚜弗主张市场经济,政府弗仅占有大量经济资源,而且控制其配置,经济完全依附於政治。

外部链接[编辑]