丽娃河

丽娃河一景

丽娃河（西班牙语：Rio Rita）是上海华东师范大学中山北路校区里向个一個湖泊个名字。丽娃河经常勒拉诗歌、散文里向出现，是华东师大个诗意名称搭仔代称。

历史

20世纪初，箇面是上海越界造路个地方，是江南水网个一部分。俄罗斯移民勒拉箇块经营水边个休闲场所，服务对象是外国侨民搭仔华人中产、资产阶级，叫“Rio Rita”，词源是西班牙文，意思是“Rita 河”，必过华人多弗懂西班牙语，认为伊叫“丽娃河”，箇個名字就传开哉。

1931年，中国近代有名个民族资本家荣宗敬拿丽娃河边浪个地捐畀大夏大学，拿丽娃河也送出去当校河，供师生钓鱼、划船用个。箇块地方变成功大夏大学校园个一部分。大夏大学后些来併进华东师范大学，丽娃河变成功华东师范大学个代名词。

1968年，历史系教授李季谷𢴳弗住文革批斗，跳丽娃河自杀哉。

景观

丽虹桥

• 丽虹桥：丽娃河上一座桥，1937年4月16号造好个。桥浪有大夏大学校董何应钦题个名字，校董王祉伟写个铭文，取个是唐诗“双桥落彩虹”搭仔丽娃栗妲（Rio Rita）个意思。

• 夏雨岛：丽娃河上个岛。