三甲港
三甲港，原名杨家洪，勒拉中国上海市浦东新区川杨河东海入海口南岸区域，面积有16平方公里。
三甲港地区附近本来是一個低洼个水凼，叫杨家洪，宋朝个辰光是滨海盐场。明朝个辰光长江口向南偏，流进东海个长江水冲进水凼，故咾杨家洪周围个海水盐分弗断降低，杨家洪周围个制盐业开始衰落。清朝个辰光，浦东个盐场逐步撤销。清朝勒拉杨家洪周围地区实行团甲制以后，杨家洪区域畀清政府划进下沙盐场八团第三甲，故咾箇面改名成三甲港[1]。
1947年，三甲港开通去横沙岛个航线。1955年2月份，长泰号渡轮勒拉三甲港水域附近失事，船上53人弗幸侪走脱哉。箇后头，三甲港个渡口畀政府关闭脱。1980年，修川杨河个辰光，勒拉川杨河进东海个入海口设立三甲港节制闸[1]。
1998年，海滨广场建成。1999年7月9号，海滨游泳场对外开放[2]。箇面现在还有浦东民俗馆、森林公园、滨海跑马场、射击场、钓鱼场、国际乡村俱乐部等旅游景点[3][4]。