三体系列
《三体》是中国作家刘慈欣写个一部长篇科幻小说系列，原名《地球往事三部曲》。箇只系列包括《三体》、《三体II：黑暗森林》搭《三体III：死神永生》箇三部。
历史[编辑]
2006年5月份到12月份，刘慈欣勒拉《科幻世界》杂志浪连载长篇科幻小说三体，勒拉2008年由重庆出版社出版单行本。
2008年5月份，伊出版箇个系列个第二部，《黑暗森林》。
2010年11月份，伊出版箇个系列个第三部，《死神永生》。
2012年11月份开始，美籍华裔科幻作家刘宇昆拿伊翻译成英文。2015年，刘宇昆翻译个英文版赢仔雨果奖最佳长篇小说[1][2]。
到2017年12月，《三体》系列三部曲中文版已经卖脱超过700万份，畀翻成英文（2015年）、西班牙文（2016年[3]）、德文（2016年到2019年弗断更新个翻译[4]）、法文（2016年[3]）、匈牙利文、葡萄牙文、土耳其文、波兰文、泰文、捷克文、韩文、希腊文等廿几种言语版本出版[5][1]。
故事内容[编辑]
人类对太空发射个信号，畀距离四光年远个三体文明收着，两個文明从此开始博弈搭较量。勒拉人类个基础科学畀三体文明锁死脱以后，人类开始通过“面壁计划”对抗三体人个高等文明，逐步发现黑暗森林法则，赢得而且保持仔脆弱而短暂个和平，也为自家个未来埋仔隐患。[6]
第一部《三体》[编辑]
人类对太空发射个信号，畀距离四光年远个三体文明收着。因为三体行星会得勒拉随便啥个辰光就畀伊个恒星灭脱，三体人决定入侵地球。450年以后，三体人会得到地球，箇末人类必须开始准备。为仔防止450年以后，地球科技超过三体科技，三体人用“智子”箇项技术拿地球文明个基础科学锁脱。同一辰光，还有一群地球人成立仔三体组织，为仔消灭脱地球文明，迎接三体文明，通过三体人个“智子”技术搭三体人联络，暗杀全球个科学家。地球文明阿末通过“古筝计划”灭脱仔三体组织。
第二部《黑暗森林》[编辑]
因为三体人一直勒拉用“智子”看牢地球，地球人只好利用三体人思维透明个缺点，弄出個“面壁计划”来对抗三体人。阿末一位面壁人罗辑发现仔宇宙社会个“黑暗森林”法则，通过广播一颗恒星个坐标证明仔伊个猜想。最早到太阳系个三体探测器“水滴”几乎拿地球人个太空舰队全部灭脱，阻止仔地球人再向太空广播。阿末，罗辑利用“雪地计划”成功逼三体人妥协，赢得仔暂时个和平。
第三部《死神永生》[编辑]
人类利用另一個计划，“阶梯计划”，拿云天明个大脑发畀三体舰队。三体人拉末生头发动对地球个袭击，成功端脱地球上个广播系统。而太空中个地球人碰巧有四维碎块个帮忙，成功阻止“水滴”对太空中个阿末一套广播系统个破坏，而且向太空广播三体恒星个坐标。同一辰光，三体第二舰队已经用光速来地球，强迫所有地球人移民澳大利亚。但是，因为三体恒星个坐标畀广播哉，三体世界畀灭脱。三体第二舰队也认为太阳系不再安全，放弃地球，去其它方向哉。云天明勒拉畀三体人克隆以后，融入三体社会，通过三個童话故事向地球人传递先进科技个信息。但是勒拉地球人破密出当中个隐藏信息个辰光，更加先进个文明拿太阳系二维化，只有极少数个人逃离太阳系，延续地球文明。
获奖情况[编辑]
《三体》获得2006年中国科幻银河奖（第十九届）特别奖。
《三体》个英文版由刘宇昆翻译，获得仔美国科幻奇幻作家协会2014年度“星云奖”提名，也获得仔2015年“雨果奖”最佳长篇小说奖。[7]
《三体III：死神永生》获得2013年度第9届全国优秀儿童文学奖科幻文学奖，2017年轨迹奖最佳长篇科幻小说奖。[8]
改编[编辑]
电影[编辑]
电视剧[编辑]
动画片[编辑]
舞台剧[编辑]
广播剧[编辑]
参考资料[编辑]
- ↑ 1.0 1.1 《三体》日文版发售当天，却被韩语版封面抢了风头… 档案，存勒互联网档案馆当中。（2021年6月3号）观察者，2019年7月4日
- ↑ 刘慈欣《三体》登录国际，科幻旅程俘虏世界 档案，存勒互联网档案馆当中。（2021年6月2号）搜狐，2016年10月5日
- ↑ 3.0 3.1 刘慈欣欧洲文学之旅纪实：《三体》受国际读者追捧 档案，存勒互联网档案馆当中。（2021年6月3号）新浪读书，2016年12月26日
- ↑ 塞巴斯蒂安•皮尔灵：就这样，我把《三体》引入德国…… 档案，存勒互联网档案馆当中。（2021年6月2号）中国作家网，2019年7月30日
- ↑ 《三体》系列已推出十多种语言文字版本 档案，存勒互联网档案馆当中。（2021年6月2号）新浪，2020年12月26日
- ↑ 吴岩著（2012.02）．科幻应该这样读．南宁：接力出版社，82-83．ISBN 978-7-5448-2307-4．
- ↑ 雨果奖最佳小说奖的获得者是刘慈欣的《三体》，从太空宣布。.
- ↑ 2017 Locus Awards Winners (en) (2017-06-24). 访问日脚2017-06-25.
- ↑ 中国导演王壬勒拉2015年推出个，从《三体II：黑暗森林》改编个14分钟科幻短片
- ↑ 舞台版《三体》首演票房过千万. 北京日报 (2016-06-21).
- ↑ 3D科幻舞台剧《三体II：黑暗森林》在沪全球首演. 央广网 (2019-04-13).