一胎政策

中國大陸地方政府宣傳一胎政策辰光用个標語

一孩政策嚜，曾經是中華人民共和國个計劃生育政策，由1979年開始隨著改革開放一淘推行，規定中國大陸个城市人衹可以養一個子女，生第二個就要審核批准，若然違反規定落仔第二胎，就要交罰款（「社會撫養費」）。例外个就衹是農村人、少數民族或者兩公婆全是獨生子女。

昰項政策雖然控制爻中國大陸个人口增長，但也全帶爻弗少問題，例如強制避孕、強制墮胎搭虐殺女嬰咾啥。而一胎政策下頭出世个一代，嘸沒兄弟姊妹，大陸人叫佢場「小皇帝」咾啥。

2013年11月中國共產黨十八屆三中全會開好之後進一步放寬兩胎限制，而今衹要求兩公婆其中一方是獨生子女，俗稱「單獨二胎」。部分地方譬如北京搭天津規定可以單獨二胎，但是兩胎當中起碼要隔四年。

2015年10月29號，中共透過中共中央十八屆五中全會宣布全面放棄一孩政策，實施普遍二孩政策，乃末中國大陸實行卅幾年个一孩政策成爲爻歷史。