一胎政策

来自维基百科
跳到导航 跳到搜索
中國大陸地方政府宣傳一胎政策辰光用个標語

一孩政策嚜,曾經是中華人民共和國个計劃生育政策,由1979年開始隨著改革開放一淘推行,規定中國大陸个城市人衹可以養一個子女,生第二個就要審核批准,若然違反規定落仔第二胎,就要交罰款(「社會撫養費」)。例外个就衹是農村人、少數民族或者兩公婆全是獨生子女。

昰項政策雖然控制爻中國大陸个人口增長,但也全帶爻弗少問題,例如強制避孕強制墮胎虐殺女嬰咾啥。而一胎政策下頭出世个一代,嘸沒兄弟姊妹,大陸人叫佢場「小皇帝」咾啥。

2013年11月中國共產黨十八屆三中全會開好之後進一步放寬兩胎限制,而今衹要求兩公婆其中一方是獨生子女,俗稱「單獨二胎」[1]。部分地方譬如北京天津規定可以單獨二胎,但是兩胎當中起碼要隔四年。

2015年10月29號,中共透過中共中央十八屆五中全會宣布全面放棄一孩政策,實施普遍二孩政策,乃末中國大陸實行卅幾年个一孩政策成爲爻歷史。[2]

[编辑]

  1. 周立波有趟節目話歇過應該叫單獨二孩。準確來講,如果第一胎是多胞胎,就弗可以養第二胎,但是第一胎無論有得幾許全弗違反政策。倘使第一胎衹養一個,就可以落多一胎。
  2. http://news.sina.com.cn/c/nd/2015-10-29/doc-ifxkhcfq0963784.shtml