高分子化学

来自 吴语维基百科
蹦到: 导航搜寻
高分子个样子

高分子化学(崇明话 IPA [kɔ] [fəŋ] [tsɿ] [ho] [jɔʔ]),或者也叫聚合物化学,是研究高分子或者聚合物化学性质化学合成个多学科相结合个科学。根据IUPAC个推荐,高分子(Macromolecular)主要指单个分子链,属于化学范畴;而 聚合物(Polymer)主要用来描述高聚物材料个主体性质,属于物理学一个分支高聚物物理

高分子是单体通过聚合反应合成个,所以衡量高分子有几个参数:聚合度, 分子量分布, 单体排列, 共聚合物分布, 交联度, 晶型搭其他热化学性质,譬如讲玻璃体转化温度、熔点。勒溶液当中个高分子有一星特殊个性质,譬如讲溶解度粘度凝胶化等。

历史[编辑]

1832年Henri Braconnot1846年Christian Schönbein个工作对硝化纤维素个发现有重大意义。大家晓得,硝化纤维素拨樟脑处理过可以产生赛璐璐,溶勒拉乙醚或者丙酮里向形成胶棉,居勒美国内战个辰光用来包扎伤口个。 醋酸纤维1865年拨合成。1834年Friedrich LudersdorfNathaniel Hayward分别独立发现加点天然橡胶里向,可以防止材料变粘人。1844年Charles Goodyear申请仔美国专利,内容是弄硫搭加热硫化橡胶。 Thomas Hancock勒居前一年申请仔英国专利。

1884年Hilaire de Chardonnet开仔头一家生产人工纤维个工厂,原理是基于再生纤维,或者叫 人造纤维,作为丝绸个替代品。但是有个问题是伊太容易着火哉。[1] 1907年 Leo Baekeland发明仔头一个化学合成高聚物,是一个热固性比较好个产品,名字叫Bakelite玻璃纸最先勒1908年Jocques Brandenberger发现,伊把一片片人工纤维喷勒垃池里向得垃。[2] 1922年Hermann Staudinger头一个提出:聚合物是有原子链通过共价键组成个。 伊也建议命名为高分子物质。勒伊之前,科学家侪相信高聚物是一星小分子物质合勒一道形成个,呒得特定个分子量。也是因为搿个发现,Hermann Staudinger 得垃1953年诺贝尔化学奖Wallace Carothers1931年头一个发明氯丁橡胶、头一种聚酯,进而发明尼龙,真正勒1935年取代丝绸。 Paul Flory1974年得垃 诺贝尔化学奖 ,来表彰伊勒50年代对溶液当中高聚物随机卷绕构型理论个工作. Stephanie Kwolek发现一种芳香尼龙,可以放火,取名叫 Kevlar,勒1966年得了专利。

现在市面浪有交关商品高分子产品卖,譬如讲HIPS、ABS等复合材料,搿星材料有多种材料个功能,包括耐热、弗变形等性质,用途广泛。

外部链接[编辑]


化学
分析化学 • 生物化学 • 化学生物学 • 化学教育 • 计算化学 • 电化学 • 环境化学 • 绿色化学 • 无机化学 • 材料化学 • 医药化学 • 核化学 • 有机化学 • 有机金属化学 • 药学 • 药理学 • 物理化学 • 光化学 • 高分子化学 • 固态化学 • 理论化学 • 热化学 • 湿化学
生物分子列表 • 无机物列表 • 有机物列表 • 元素周期表
Commons-logo.svg
维基共享资源里向寻得着搭该篇文章搭界个多媒体资源: