陆西星

陆西星（1520年-1606年)，字长庚，号潜虚，又号方壶外史，直隸興化縣人。明朝时期道教人士，道教内丹派东派的创始人。

伊从小学个是儒学，考中过秀才。但后手来想考举人个辰光一连9趟参加乡試儳没中举，乃末伊就放弃儒来学道，伊对人家自称是神仙呂洞宾教了伊丹法秘訣。到了晚年伊又学佛参禅。

陆西星主修內丹，伊提倡性命双修。伊个著作有《方壶外史》、《南华付墨》、《道緣汇录》、《宾翁自记》等。近代人又考证出来《封神演义》个本小说是陆西星写个^[1]。據說陆西星写《封神演义》是為了特伊女兒出嫁准备嫁妝，记载里厢拿个过程描写得蛮有意思，讲伊勒大女儿出嫁辰光拿屋里厢铜钿用光，弄得伊二女儿看了邪气勿开心，觉得将来自家出嫁辰光爷老头子肯定勿会得再特伊办得起嫁妝了。结果伊个爹爹交关笃定，特伊讲：“侬勿要当爸爸是穷光蛋了。”后来《:zh:封神演义|封神演义》写好了就拿书稿给了二女儿，让女婿印出来卖，不晓得书一面世就畅销得勿得了，让伊拉银子赚得莫捞捞^[2]。