西德

来自 吴语维基百科
蹦到: 导航搜寻

居篇文章主要是介绍1949年-1990年间存在勒今朝德国西半部、以西德之简称拨大家所熟事个德意志联邦共和国,对于1990年两德统一之后个同名国家,相关介绍请倷参考德国一文。

德意志联邦共和国,简称西德联邦德国德文Bundesrepublik Deutschland或非官方缩写BRD)建立勒1949年5月23号,其初期范围包括二战后由英国美国法国一道占领个德国领土。勒1990年两德统一还都到柏林之前,西德个首是勒勒鲍尔(Bonn)。而除落德国西许个领土之外,东德境内、德国原本个首都柏林市区西半部勒勒当时辰光也属于西德领土,由于西柏林全境侪拨勒东德包围,使得渠变成功一个孤立勒许别个国家境内个飞地

历史[编辑]

第二次世界大战纳粹德国战败,根据战时波茨坦会议(Potsdam Conference)四国个秘约,决定勒德国战败之后拿其一分成四分别由四个战胜国占领,并且合组一个顶高管理单位同盟管理议会(Allied Control Council,ACC)来治理德国事务。尚况由于理念浪个两样,勒战后以美国为主个西方阵营搭以苏联为主个共产阵营慢慢叫茄门,1948年3月份个辰光,美、英、法三国勒伦敦举行会议,初步决议要拿三国分别管理个德国领土合并,组成一个德国西部个政权,针对搿点苏联方面作出反制,首先是退出ACC,再进而宣布着手设立一个东德政权个计划。

但直接导致东西德分离个导火线,是发生勒1948年6月20号,西方占领区境内个货币重整计划。当时西方三国占领区内原本分开发行个货币进行仔整合动作,但却排除苏联占领区,发行所谓个西德马克,而苏联占领区也勒短短三日以后发行东德马克,象征东西德正式分离。东西德分离之后,东德方面曾勒1948年中开始,对用西德马克个西柏林地区进行封锁,为期11个号头,希望通过此举达到完全控制整个柏林地区个目的,但却勒西方国家持续以空运方式所进行个柏林空运支持下头朆实现。勒柏林封锁解除(1949年5月12号)之后朆有多少辰光个5月23号西德(德意志联邦共和国)宣布正式成立。而东德方面也勒同年个10月7号宣布正式成立以德意志社会主义统一党(Sozialistische Einheitspartei Deutschlands,SED)一党专政个社会主义共和政体。

西德于1955年5月8号加入北约,相对个,由苏联扶植、共党主政的东德(德意志民主共和国)则加入华沙条约组织,使得东西德个交界成为两大对垒阵营个顶前线,冷战个焦点。

勒1989年11月9号柏林墙倒落之后,两德勒1990年10月3号重新统一成一个国家。1991年3月15号,四个占领国正式放弃对其占领权。统一后个德国保留原本属于西德所使用个德意志联邦共和国之名称作为存续国家命名,因此除脱视为是一个分裂状态下头个独立国家之外,勒某个方面来讲西德也好拨看成功是今朝个德国勒历史浪个一段时期。

相关条目[编辑]